اوشاقلار باغچاسی / ۴/ حبيب فرشباف

«يالانچي‌ چوبان‌»<?xml:namespace prefix = o ns = "urn:schemas-microsoft-com:office:office" />

 سحر- سحر بير چوبان‌

داغا ديرماشماق‌ همان‌

 اَلين‌ قويوب‌ قولاغا

چيغيراردي‌ اوجادان‌

 ـ قورد آپاردي‌ قويونو

تئز گلين‌ آي‌ جاماعات‌!

 قويمايين‌ هَده‌ر اولسون‌

يازيقدير بو حيوانات‌!

 

الَه‌ آغاجي‌ گَلن‌

 اوز قويارديلار داغا،

 اونلاري‌ گؤره‌ن‌ چوبان‌

باشلاياردي‌ گولماغا،

 ـ اَده‌ هارا گليرسيز؟

من‌ ظارافات‌ ائديرديم‌

 بير تولكويموش‌ گؤردويوم‌

من‌ اؤزومو ايتيرديم‌.

 

هر گون‌ يالانچي‌ چوبان‌

 اوتاراركن‌ قويونو

 كندلي‌لرين‌ باشينا

 آچاردي‌ بو اويونو.

 

 بير گون‌ يالانچي‌ چوبان‌

سحر داغا ديرماشدي‌،

 قويونلار قاباغيندا

 اوكنددن‌ اوزاقلاشدي‌،

 نئچه‌ جاناوار بيردن‌

ديرماشديلار دره‌دن‌،

 چوبان‌ چيغيردي‌ هاراي‌ !

آي‌ جاماعات‌ گلين‌ هاي‌!

 هر كس‌ ائشيتدي‌ سسين‌

سؤيدو اونون‌ دده‌سين‌

 ـ فیلان‌، فیلان‌ گؤره‌سن‌

يئنه‌ نه‌ قورقو قوروب‌،

 قارا قويون‌ سوتوندن‌

يئييب‌ چؤلده‌ قودوروب‌.

 

 بير نفرده‌ گلمه‌دي‌

چوبانين‌ كؤمه‌گينه‌،

 چوبان‌ دؤرد جاناوارا

نه‌ ائله‌سين‌ تكينه‌؟

 جاناوارلار بير آندا

سورويه‌ داراشديلار

 بئشين‌ بوغوب‌ دؤردون‌ ده‌

گؤتوردولر قاشديلار

 

 

 «باجاريق‌»

 

 بنؤشه‌نين‌ آتاسي‌

اونا دؤرد شيرني‌ وئردي‌،

 اؤز بالاجا باجين‌لا

آپار ياري‌ بؤل‌ - دئدي‌!

 بنؤشه‌ده‌ گؤتوردو

شيرني‌‌نین اوچ‌ ايري‌سين‌،

 او خيردا باجي‌سينا

وئردي‌ تكجه‌ بيري‌سين‌.

 آتاسي‌ بونو گؤروب

‌ سوروشدو بنؤوشه‌دن‌

 - قيزيم‌ بس‌ سن‌ سايماغي‌

باجارماييرسان‌ نه‌ دن‌؟!

 بنؤوشه‌ آتاسينا

جاواب‌ وئردي‌ سئوينجك‌:

 آتا! من‌ باجاريرام‌

 باجارمايير بو چيچك‌

 

 «مدرسه‌دن‌ گلنده‌»

 

 قاييداركن‌ مدرسه‌دن‌

سالام‌ وئرديم‌ آتاما من‌؛

 آتام‌ دئدي‌: قيزيم‌ گلدين‌؟

 سؤيله‌ گؤروم‌ نه‌ اؤيرندين‌؟

 دئديم‌: آتا بير قولاق‌ آس‌ !

فارسلار دئيير اوراغا، داس‌.

 اؤيرنميشم‌ اَليف‌ بِ يي‌،

 اوخويورام‌ من‌ هر شئيي‌،

 بو بابادير، باخ‌ بودا آب‌

 بوآت‌ بو ديش‌، بودا جوراب‌؛

 اؤيرنميشم‌ بخش‌ ائتمه‌يي،‌

دئييرسن‌سه‌، دة‌ هر نه‌يي‌.

 اللريم‌له‌ پارچالارام‌،

سسلريني‌ من‌ سايارام‌؛

 سسلر ديَجَك‌ قولاغيما

گتيره‌رم‌ بارماغيما.

 

 آتام‌ دئدي‌: «بو آلماني‌

 بير پارچالا گوروم‌ هاني‌؟»

 آلمالاري‌ گؤره‌ن‌ چاغي‌

گتيرديم‌ من‌ تئز پيچاغي،‌

 بونو گؤرجك‌ آتام‌ گولدو ،

ائله‌ گولدو، ائله‌ گولدو

 گؤزلريندن‌ ياش‌ تؤكولدو؛

 دئدي:‌ قيزيم‌ كلاسدا سن‌

 ائله‌ بئله‌ بخش‌ ائديرسن‌؟!

 اؤز يئريمده‌ دايانديم‌ من‌،

 آتامدان‌ برك‌ اوتانديم‌ من‌.

 

 

 

«آتا بير چرخ‌ آل‌ منه‌»

 

 ـ آتا! بير چرخ‌ آل‌ منه‌
 احمدين‌ چرخلريندن‌،
 يَهري‌ آلچاق‌ اولسون‌
 اؤزوم‌ سوره‌ بيليم‌ من‌!


 ـ اوغول‌ نئچه‌ يول‌ دئييم‌؟
 دئميشم‌ كي‌ آلارام‌،
 آي‌ باشي‌ ياخينلاشير
 بير آز دؤز پوللانارام‌.


 ـ منه‌ هئي‌ سؤز وئريرسن‌
  آلماييرسان‌ آتاجان‌!
  قورخورام‌ كي‌ يئنه‌ده‌
  سنين‌ چيخسين‌ ياديندان‌.
  ايسته‌ميرم‌ آي‌ باشين‌
  ائله‌ بو گون‌ آل‌ دئديم‌،
  قوي‌ ايندي‌ده‌ اوشاقلار
  ايتَه‌له‌سين‌ من‌ گئديم‌.


 بير قده‌ر فيكيرله‌شيب‌
 آتا قالخيزدي‌ باشين،‌
 او گؤرمك‌ ايسته‌ميردي‌
 بالاسي‌نين‌ گؤز ياشين‌،
 بير سيگار آليشديريب‌
 آتا گئتدي‌ ايشينه‌،
 هيچ‌ بيلمه‌دي‌ او گونو
 فيكري‌ نه‌دير؟ ايشي‌ نه‌؟
 ـ اوغلوم‌ قوي‌ ياتسين‌، دئيه‌
 گئجه‌ اؤزون‌، يوباتدي‌،
 قيچلاري‌ گلر - گلمَز
 گليب‌ ائوينه‌ چاتدي؛‌
 ائهمال‌ آچيب‌ قاپيني‌
 گليب‌ گيردي‌ يئرينه‌
 بيردن‌ گؤزو ساتاشدي‌
 اوغلونون‌ گؤزلرينه،‌
 زول‌ - زول‌ اونا باخاراق‌
 نه‌ ديندي‌، نه‌ دانيشدي‌،
 آتاسي‌نين‌ اوره‌يي‌
 ياندي‌ - ياندي‌ آليشدي‌.

 

 «تاپماجا»

 

 نه‌ اَتي‌ وار، نه‌ قاني‌،
 سن‌ اونا يولداش‌ اولسان‌
 آپاريب‌ دولانديرار
 قاريش‌ - قاريش‌ دونياني‌.
 نه‌ آغلايار نه‌ گولر
 سني‌ گاهدان‌ آغلادار
 سني‌ گاهدان‌ گولدور‌ر
 نه‌ ده‌ سوروشسان‌ سوروش‌
 سنه‌ دوز جاواب‌ وئره‌ر.

 

«وطن‌»

 

/ 17 نظر / 12 بازدید
نمایش نظرات قبلی
دکتر احمد عطامهر

دکتر احمد عطامهر کاندیدای مجلس شورای اسلامی حوزة تبریز، آذرشهر و اسکو عضو هیأت علمی دانشگاه کد داوطلبی 56الف126 وب سایت شخصي: http://www.iraninsect.com وبلاگ شخصی (آذري) : http://aazer.persianblog.ir وبلاگ شخصی (فارسي) : http://aata.persianblog.ir

M.T.D

با مطالب جديد به روزم.

بهروز

ياشاسين شاعر افندي! گوزل شيعرلرين اوخودوم و اوشاغلار كيمين سونديم. [خنده] مندن ده بير ياد اله. اوره گيم شاد اله.

تئل ناز زنگانلی

سلام یورولمایین.

ali

سایت فروش آنلاین کتاب و سایر محصولات فرهنگی هنری آذربایجان تمام کتابهای منتشر شده کودکان در این سایت http://yurd.ir

اوختای قوشچو اوغلو

سلاملار وبلاگیزی گوروب چوخ سئویندیم که بیر دگرلی اینسان تاپیلیب کی اوشاقلار دونیاسیندا چالیشماقا باشلیب آذربایجان اوشاقلاری گله جک ده سیزه ایفتخار ائلی و سیزی اوغورلویاجاقلار من اوشاقلار اوچون مانی دالیجا گزیرم منه یاردیم جی اولا بیلسه نیز منیم نمرهم بو دیر:09144457027 ساغولون سیزی گوزلیره م[گل]

پرسبانج

ساغ اولون / اوشاقلار دنياسي ياددان گئيدمز / منيم كنديم ده اوشاقلوق خاطره لريمدي / تماشا ايليوب نظر ورين ....

پرسبانج

ساختار انسان ها به نحوي است كه چه ازنظر تغذيه ( به گياهخوران نزديكتراست ) وچه ازنظر عادات وآداب ورفتارو.... تناسب بيشتري با روستا وطبيعت دارد . ازهمه عزيزان دعوت به حضور درمحيط هاي فرحبخش روستايي ميكنم ....... اگه تونستيد از شهرها فرار كنید وبه اصل خويش بازگردید ..... باور كنید ميگن حتي بهشت هم مثل روستاست ........؟؟؟؟ من ازانگورها ش ونهرهاي جاريش گرفته تا ........؟؟؟میگم ......... يعني روستا بهترين جا براي برای بازگشت به خویشتن خویش است . آیا شما در وصف بهشت شنیده اید که بگن برجها وآپارتمان های بهشت سربه فلک کشیده ......؟؟؟ یا اتوبانهاش آنقدر وسیع است که میشه با چند هزار کیلومتر با آخرین سرعت وبدون جریمه پلیس گاز داد ......یاآخرین مدل های ماشین در بهشته .؟؟؟؟ترافیک نداره .....

ایوب شهبازی (یاشام)

سلام اشعار بنده نیز درزمینه ی اوشاق شعیرلری است شما را در پیوند خود قرار دادم سری به وب من بزنید