اوشاقلار باغچاسی / ۱/ حبيب فرشباف

<?xml:namespace prefix = o ns = "urn:schemas-microsoft-com:office:office" />

 

 

 

اوشاقلار باغچاسي‌

(شعرلر)

 

 

حبيب‌ فرشباف‌

 


 

 

 

 

 

«باليق‌ اولاجاغام‌»

 

 آنا مني‌ اوياتما

من‌ هله‌ ده‌ ياتميشام‌،

 شيرين‌ يوخولاريم‌لا

هئي‌ باشيمي‌ قاتميشام‌.

 اَل‌ - اوز يوماق‌ درديندن‌

دورانميرام‌ يوخودان‌،

 آنا بيلميره‌م‌ نه‌ دن‌

يامان‌ قورخورام‌ سودان‌!

 خئيري‌ اولسون‌ باليغين‌

 گئجه‌ - گوندوز اوينايير،

 نه‌ يوخودان‌ دوراندا

 گئديب‌ ال‌ - اوزون‌ يويور.

 نه‌ هر غذادان‌ سونرا

يويا جاقدير ديشلرين‌،

 او اوينايا - اوينايا

گؤرور تامام‌ ايشلرين‌.

 آنجاق‌ بو ايشلر ايچون‌

 مني‌ سئومه‌ يير آتام‌،

 من‌ ده‌ تنبل‌ليگيمدن‌

بير باليق‌ اولاجاغام‌.


 

 

 

 «باهار»

 

 باشيم‌ اوسته‌ گونشين‌

ساچاق‌ - ساچاق‌ تئل‌لري‌،

 نفسيمدن‌ گئده‌ جك‌

قارين‌، بوزون‌ اثري‌.

 آياغيم‌ آلتدا چيمن‌

 اَتگيمده‌ گول‌ - چيچك‌،

 قارانقوشلار قاييدير

ائل‌لر اولور سئوينجك‌.

 ياغيش‌ ياغير، گون‌ چيخير

تاغ‌ قورور گؤي‌ قورشاغي‌،

 سئل‌لر، سولار شاريلدير

دره‌لردن‌ آشاغي‌.

 كاروان‌ - كاروان‌ آغ‌ بولوت‌

ماوي‌ گؤيده‌ دوزولور،

 ديمديگيندن‌ قوشلارين‌

بال‌ نغمه‌لر سوزولور.

 چيچكلرين‌ عطريندن‌

 فرحله‌ نيب‌ بير آندا،

 تازا پالتار گئييرلر

طبيعت‌ ده‌، انسان‌ دا.

 فروردين‌، ارديبهشت‌،

 خرداد منيم‌ اوچ‌ آييم‌.

 باهارام‌ من‌، باهارام‌،

 گوزه‌ل‌ ليكده‌ يوخ‌ تاييم‌.

 

 

 «ياي‌»

 

 نه‌ بولود وار، نه‌ دومان‌،

ماوي‌ گؤيده‌ گون‌ شاخير؛

 هاوانين‌ ايستي‌ سيندن‌،

 اوز - گؤزومدن‌ تَر آخير.

 دَنه‌ دولوب‌ سارالدي‌،

دالغالاندي‌ سونبول‌لر،

 آرمود، اَريك‌ يئتيشدي‌،

مئيوه‌ اولدو آغ‌ گول‌لر.

 ياماجلاري‌ چيمن‌دن‌

ياشيل‌لاشدي‌ داغلارين‌،

 آغاجلاري‌ مئيوه‌ دن‌

اَلوان‌لاشدي‌ باغلارين‌.

 باش‌ اَگديلر بوداقلار

 قودرتينه‌ توپراغين‌.

 ييغيلديلار سئرچه‌لر

كؤلگه‌سينه‌ ياپراغين‌،

 كؤچوب‌ گلدي‌ ائلاتلار

 قيشلاقلاردان‌ يايلاغا،

 باشلاديلار اوشاقلار

چايدا، گؤلده‌ اوزماغا.

 تير، مرداد، شهريورم‌،

 باهار تك‌ اوچ‌ آيام‌ من‌.

 ايلين‌ لاپ‌ ايستي‌ فصلي‌،

 محصول‌ فصلي‌ يايام‌ من‌.

 

«پاييز»

 

 بوز افوقدن‌ بويلانير

سولغون‌ گونش‌ ساپ‌ ساري‌؛

 غملي‌ - غملي‌ كؤچورلر

 دورنالارين‌ قاتاري‌.

 باشا چاتدي‌ ياي‌ فصلي‌

يئنه‌ آچدي‌ مدرسه‌،

 كلاسلاردا اوشاقلار

يئنه‌ وئردي‌ سَس‌ سَسه‌.

 كولك‌ اَسدي‌ قوپاردي‌

ياپراقلاري‌ بوداقدان‌،

 بير پارچاسي‌ نارینجي‌

بير پارچاسي‌ آل‌ - اَلوان‌.

 نَفَسيندن‌ آغ‌ يئلين‌

سولدو چيمن‌، سولدو گول،‌

 هيجرانيندان‌ بولبولون‌

ياپراقلارين‌ يولدو گول‌.

 شئه‌ چؤكوبدور چیمنه‌،

 دومان‌ بورويوب‌ داغي،‌

 توسدوله‌يير چوبانين‌

ياش‌ تيكانلي‌ اوجاغي‌.

 كاروان‌ - كاروان‌ قاپ‌- قارا

 گؤيده‌ بولودلارا باخ‌!

 بوداقلاردان‌ سال‌لانان‌

قيپ‌ - قيرميزي‌ نارا باخ‌!

 مهر، آبان‌، آذرم‌

 چن‌ - دومان‌ نَفَسلي‌يم‌؛

 من‌ پاييزام‌ رنگلرين‌

 مئيوه‌لرين‌ فصلي‌يم‌.

 


 

 

 

 «قيش‌»

/ 3 نظر / 32 بازدید
خرميان حماسه بابك خرمدين جمعه دوم تير ماه هر سال

سلام اديريم اوشاقليق دورانی چوخ گوزل بير دوران دير و اوزون گور بير آيری عالمی واردی ايلابدا کير آذربايجان اوشاقی اولاسان عجب .... خاطرلريميز واردی اوشاقليق دورانينان *** سلام بر دوست عزيز وبلاگ بسيار بسيار پر محتوی و مفهومی دارين ما گروه گل پسرای آذربایجانی با تمام قوای خود برای ساخت وبلاگ بابک خرمدين تلاش کرده ايم و خواهيم کرد در ضمن وبلاگ بابک خرمدين به دليل ساخته شدن سايت بابک خرمدين ديرتر بروز ميشود ****** در وب سايت بابک خرمدين می توانيد عضو گروه گاغوک شويد(گونی آذربايجانين غيرتلی اوغلان کيزلاری) زنده باد خرميان و آزادی و ياشاسين آذربايجان ما را در ساخت سايت ياری کنيد

بهروز

آقاي فرشباف طبع روان و ذوق وافرتان را تبريك مي گويم. كار براي كودكان صفا و صميميت ديگري دارد كه من كمتر توفيقش را داشته ام. امروز روز خوبي است كه با وب شما آشنا شدم. به من هم سري بزنيد. سپاس فراوان.

آتیلا آتابای

سایقیلار سیزین بو وبلاگیزدا چالیشدینیزا گوره چوخ ممنون اولدوم و سئویندیم و فایدالاندیم سیزه بوسایتدا اوشاق ماهنیلاری و چیزگیلارنا ایزلمسینه چاغیریرام www.aparat.com/bayandir و همیده سیزین بوسایتدا یوروملاریزی و باخشیلاری و یا خود پایلاشماغیزی ایسترم http://assimilation.mihanblog.com اوغورلار[گل][گل]